8: Numero Otso----Number Eight

Image courtesy of  http://en.wikipedia.org/wiki/File:Sp%C3%A5rvagnslinje_8.svg

Lucky number "8"... Nagkataon lang siguro na January 8, 2013 ngayon at naisipan kong gumawa ng blog. Unang petsa na "8" sa taon 2013.. Para sa karamihan kay swerte daw itong numero otso kasi simbolo umano ng "infinity" o "walang hanggan"... Kagaya lamang sa simbolo sa Mathematics na "infinity", parang nakahigang numero "8".Ito ay walang katapusan. Walang simula at walang dulo.

 

       Image courtesy of  http://www.technosalons.org/2012/09/how-to-make-infinity-symbol-on-facebook.html

 

          Ang iba sa atin kapag tumataya sa lotto, STL (Small Town Lottery), o kahit sa karera  ay laging pinipili ang numerong ito pagkat ang paniniwala ng iba ay mananalo sila kapag tinayaan nila ito.

 

   Image courtesy of  http://www.catawiki.com/catalog/caps-and-pogs/sub-series/number-8-ball/2610623-lucky-lotto

  

      Meron ding mga magsing-irog na pinipili ang petsa ng kanilang kasal ay meron numerong "8" (8, 18, 28). Samakatuwid, noong August 8, 2008 marami ang ikinasal sa paniniwalang habang-buhay silang magmamahalan at magsasama. At nuong araw ding yun ay ang umpisa ng Beijing Olympics kung saan ay pinakaswerteng araw daw ayon sa mga Chinese.

      Image courtesy of :

http://www.freedomsphoenix.com/Subjects/00218-LAST-olympics-beijing-china-summer-2008.htm

 

 

 

 

         Marami siguro sa atin ang tumatangkilik ng produkto ni Mr. Ben Chan na walang iba kundi ang Bench... Kahit ako simula noong high school po ako mga taong 1998 ay gumagamit na po ako ng mga pabango nila. At hanggang ngayon po ay gumagamit pa rin po ako. At ang pinakapaborito ko po ay ang BENCH 8..

Ang tanong kung ano po  ang koneksyon nito sa numerong "8". Napag-alaman ko po kasi kay Ms. Kris Aquino sa isa nyang Talkshow noon na lahat daw ng presyo ng mga produkyo ng Bench ay nagtatapos sa numerong "8" (halimbawa 98,188,588 etc) dahil naniniwala daw si Mr. Ben Chan na swerte daw ang numerong ito.

 

 Image courtesy of  http://www.benchtm.com/store/Products/169-eight-body-spray.aspx

         Para sa akin na isang ordinaryong tao, maswerte ang numerong "8" kasi ipinanganak ako November 8. Di man kami mayaman, ako naman ay isang employed at hindi ko natapos ang aking kolehiyo pero nararamdaman ko na maswerte pa rin ako dahil kahit ano mang unos ang dumating sa buhay ko ay nalalampasan ko pa rin sa tulong ng ating Panginoong Diyos.